श्रीलक्ष्मीस्तोत्रम् (देवैः कृतं २ ब्रह्मवैवर्तपुराणान्तर्गतम् क्षमस्व भगवत्यम्ब क्षमाशीले परात्परे) | Devaih krritam 2 shri Lakshmi stotram

देवैः कृतं २ श्रीलक्ष्मीस्तोत्रम् 

देवा ऊचुः ।
क्षमस्व भगवत्यम्ब क्षमाशीले परात्परे ।
शुद्धसत्त्वस्वरूपे च कोपादिपरिवर्जिते ॥ ७६॥

उपमे सर्वसाध्वीनां देवीनां देवपूजिते ।
त्वया विना जगत्सर्वं मृततुल्यं च निष्फलम् ॥ ७७॥

सर्वसम्पत्स्वरूपा त्वं सर्वेषां सर्वरूपिणी ।
रासेश्वर्यधिदेवी त्वं त्वत्कलाः सर्वयोषितः ॥ ७८॥

कैलासे पार्वती त्वं च क्षीरोदे सिन्धुकन्यका ।
स्वर्गे च स्वर्गलक्ष्मीस्त्वं मर्त्यलक्ष्मीश्च भूतले ॥ ७९॥

वैकुण्ठे च महालक्ष्मीर्देवदेवी सरस्वती…